Welkom by SLIM JUFF!

Hierdie is ‘n webwerf met ‘n VERSKIL. Hulpbronne vir onderwysers en ouers van Gr 1 tot Gr 3 leerders. Meeste hulpbronne is in beide AFRIKAANS en ENGELS beskikbaar.

Graag stel ons SLIM JUFF aan u bekend. Ons webwerf sal daagliks uitbrei, aangesien ons ook graag van u wil hoor rakende u behoeftes. Indien dit doenbaar is, sal ons dit graag voorsien.
‘n Bietjie agtergrond: Ek was ‘n Grondslagfase-onderwyseres vir baie jare. Die ervaring om met jong kinders te werk, was ook vir my ‘n leerskool. Dit het my laat besef dat wanneer ‘n kind se grondslag nie behoorlik vasgelê is nie, die kind altyd een of ander agterstand sal hê. Dit het daartoe aanleiding gegee dat ek my verder bekwaam het as Remediërende terapeut – ten einde die leerders ook na GF by te staan. So het ek vir jare in ‘n privaat praktyk as Remediërende spesialis gewerk. Ek was ook gemoeid met die opleiding van Onderwysstudente aan die universiteit en het ook op so ‘n manier gepoog om van my ervaring terug te ploeg.
Jong leerders is my passie. Onderwysers lê my ook na aan die hart. Daarom die begin van hierdie webwerf. Hopelik sal Slim Juff albei hierdie fasette aanspreek: hulp vir juffrou en kwaliteitprodukte vir die leerders.
Opvoeders word toegegooi deur administratiewe pligte en allerlei uitdagings in die klaskamer. Ons besef die waarde van hulpmiddels by die aanbieding van lesse vir jong leerders, daarom maak ons die hulpmiddels graag namens u. Ons sou ook graag wou help met ’n mooi, kleurvolle klaskamer!

Tweede Addisionele Tale

Een van die “nuwe” uitdagings vir u as GF-Onderwyser, is die aanbieding van TWEEDE ADDISIONELE TAAL vir nie-Afrikataalsprekers. Ons probeer u ook hierin bystaan met die skep van produkte in twee van die TWEEDE ADDISIONELE tale, nl.  SESOTHO en isiXHOSA.
Aangesien u as GF-Onderwyser met vele uitdagings te kampe het in terme van vol klaskamers en leerders met verskillende leerhindernisse, sluit ek dan by ons webwerf ‘n afdeling in vir u wat spesifiek daarop gemik is om hierdie leerders by te staan. Onderwysers kan dit gerus gebruik vir Leerderondersteuning, intervensie en didaktiese hulp.
Hulpbronne is geskoei op CAPS as riglyn.
Laastens, wil ek u graag uitnooi om navrae te rig rakende hulpbronne waaraan u ‘n behoefte het. Indien dit enigsins moontlik is, vervaardig ons dit vir u.
U as onderwyser kan dus op u lesse fokus en van SLIM JUFF se hulpbronne gebruik maak. Sodoende spaar u kosbare tyd en gaan SLIM te werk. Vandaar die naam: SLIM JUFF.
** Besoek asb. ook ons – SlimJuff FACEBOOK blad !

Hulpbronne vir Gr 1 tot Gr 3 Onderwysers

• Afr. Huistaal
• Eng. 1ste Addisionele Taal
• Tweede Addisionele Tale: isiXHOSA &
• SESOTHO
• Wiskunde
• Ondersteunende, Intervensiehulpbronne
• GRATIS HULPBRONNE

Taal Afdeling

Afrikaans Huistaal:

Hulpbronne is vir Gr 1 – 3 onderwysers. Die hulpbronne is van uiteenlopende aard. Daar is bv. hulpbronne wat direk van toepassing is op die spesifieke kwartaal en ander wat as inoefening gebruik kan word.
Daar is taakkaarte oor die Oxford Storieboom reeks (Gr 1 en Gr 2)
Hulpbronne sal op gereelde basis aangevul word.
• Laat hoor gerus van u. Indien daar ‘n spesifieke hulpbron is waarna u op soek is, en dit vir ons moontlik is om te maak, help ons graag.

Eerste Addisionele Taal: Engels 

Wees asb geduldig. Hierdie is ‘n splinternuwe webwerf. Ek ontwikkel so vinnig moontlik. Hou die spasie gerus dop!

Tweede Addisionele Tale:  isiXhosa & Sesotho

Die doel van die 2de Addisionele taal se hulpmidddels is om aangewend te word in die onderrig van die 2de Addisionele tale vir Afrikaans- en Engelssprekende leerders. Hulpmiddels sluit in:
• ‘n Volledige boekie vir die hele jaar se gebruik in isiXhosa (Gr 1)
• Muurkaarte met pragtige, kleurvolle prente wat gekoppel word aan ‘n wye reeks temas vir die onderrig van die 2de Addisionele taal.
• Flitskaarte vir die onderrig en aanleer van die 2de Addisionele taal.
• Die muurkaarte bevat ‘n kleurvolle prent en woordeskat in 3 tale
(Afr/Eng, Sesotho en isiXhosa).

Wiskunde Afdeling

Wiskunde

Taakkaarte vir gebruik in Gr 1-3.
Aanvulling van wiskunde taakkaarte sal op gereelde basis geplaas word.
• Laat hoor gerus van u. Indien daar ‘n spesifieke hulpbron is waarna u op soek is, en dit vir ons moontlik is om te maak, help ons graag.

Remediërende Afdeling

Remediërende Afdeling

Hierdie is ‘n baie spesiale afdeling. Dit het ten doel om die baie besige klasonderwyseres te ondersteun om die leerdertjies wat ekstra aandag nodig het, by te staan met toepaslike werkkaarte.
Van die taakkaarte handel oor die Oxford Storieboom-leesreeks en help leerders om woordeskat te ontwikkel en woorde en sinsbou, ens. baas te raak.
Hierdie is aktiwiteite wat Mamma self ook kan aankoop en addisionele hulp by die huis verleen.
Hou gerus hierdie afdeling dop vir verdere produkte en ontwikkeling.
• Laat hoor gerus van u. Indien daar ‘n spesifieke hulpbron is waarna u op soek is, en dit vir ons moontlik is om te maak, help ons graag.

Teken-aan en word deel van die SlimJuff-nuusgroep!